Peşə Standartları

Ön büro meneceri
Ön büro meneceri
Ön büro meneceri qonaqların yerləşdirilməsi ilə bağlı bütün fəaliyyətləri istiqamətləndirir: otel və otel tipli müəssisələrdə (otel, qonaq evi və digər otel tipləri) ön büronun fəaliyyətini planlaşdırır, yaşayış üçün nömrə təklif edir, şöbənin büdcəsini tərtib edir, işinə nəzarət edir, digər şöbələrlə əlaqələr yaradır və idarə edir. O, işçilərə rəhbərlik funksiyasını yerinə yetirir, təlimlər təşkil edir, işçiləri motivasiya edir, eyni zamanda, müsbət nümunələr göstərir, müəssisənin siyasət və proseduralarını yerinə yetirir.
Baş menecer (otel)
Baş menecer (otel)
Oteldə baş menecerlər korporativ siyasət və idarəetmə məqsədlərinə uyğun olaraq, mehmanxanaların təşkilati və idarəetmə məsələləri sahəsində kommersiya proseslərini istiqamətləndirirlər.Onlar şöbələrin fəaliyyətini əlaqələndirirlər. Baş menecerin əsas vəzifələrindən biri, mühasibat və işçi heyətinin idarə olunmasına nəzarət etməkdir.
Baş menecer (restoran)
Baş menecer (restoran)
Restoranın baş meneceri restoranlarda gündəlik fəaliyyətin idarə edilməsi ilə məşğul olur, ümumi mədəni xidməti təmin edir. Menyuların təsdiqində iştirak edir, maliyyə məsələlərini idarə edir və gözlənilən nəticələri ölçür. O, işçi heyətinə nəzarət edir, işə götürmə və işdən azad etmə fəaliyyətini həyata keçirir. Texniki xidmətə və razılaşdırılmış səviyyədə yeniləşdirmələrə görə məsuliyyət daşıyır. Ekoloji və gigiyenik standarlara riayət olunmasını gözləyir. Biznes planları, illik planları və inkişaf strategiyalarını təklif edir.
Mədəniyyət və idman zallarının baş meneceri
Mədəniyyət və idman zallarının baş meneceri
Mədəniyyət və idman zallarının baş meneceri sahibkarlıq siyasəti və xüsusi idarəetmə məqsədlərinə uyğun olaraq və nəzərdə tutulmuş büdcəyə əsasən təşkilatdakı bütün prosesləri və zaldakı fəaliyyəti idarə edir. Kommunal xərclərə və texniki xidmət səviyyəsinə nəzarət etmək və bir çox hallarda həm də müəssisənin özünü-maliyyələşdirməsinə xidmət edən, gəlir gətirən fəaliyyətləri idarə etmək onun əsas vəzifələrinə daxildir. O həmçinin müxtəlif peşələrə malik çoxsaylı işçi heyətini idarə edir.
Yaşıl turizm üzrə bələdçi
Yaşıl turizm üzrə bələdçi
Yaşıl turizm üçün bələdçi təbiət və ya kənd təsərrüfatı, meşəçilik və hasilat sənayesi ilə maraqlananlar üçün izahlı gəzintilərin təklif və təşkil edilməsi üzrə ixtisaslaşmış peşəkar bələdçilərdir. Onun əsas vəzifəsi təhlükəsizlik tədbirlərinə ciddi şəkildə riayət etməklə qrupun asudə vaxtının maraqlı təşkil edilməsidir.
Dağ turizm marşrutları üzrə bələdçi
Dağ turizm marşrutları üzrə bələdçi
Dağ turizm marşrutları üzrə bələdçi səyahətçilər qrupuna dağ gəzintisi üzrə bələdçilik xidməti təklif edən ixtisaslaşmış peşəkar alpinistdir. Uğurlu dağ bələdçisi təhlükəsizlik mühitini mümkün qədər yüksək səviyyədə təmin etməklə əsrarəngiz dağ ərazilərinə maraqlı və macəralı gəzintilər təklif edə bilməlidir. Əksər bələdçilər müstəqil məşğuldurlar. Onlar adətən müsbət imic formalaşdırmaqla müştəriləri cəlb edirlər. Bələdçilər işlədikləri ərazi barədə məlumatlara malik olmalı və ərazinin bitki və heyvan aləminin xüsusiyyətlərini bilməlidir.
Otel animatoru
Otel animatoru
Otel animatoru otelin mövsümi işçisi olaraq qonaqların əyləndirilməsi və uşaqlar, onların valideynləri üçün mədəni tədbirlərin təşkili işi ilə məşğul olur. Animator uşaqlar üçün oyunların təşkil edilməsi, idman tədbirlərinin keçirilməsi, axşam konsertlərinin təşkili və ya otelin qonaqlarına müvafiq bacarıqların öyrədilməsi üçün məsul ola bilər. Animator yerli görməli yerlər, tarix və folklor ilə bağlı müxtəlif tədbirlər təşkil edə bilər.
Otel xadiməsi
Otel xadiməsi
Otel xadiməsi otel otağını tam olaraq təmizləyir, tozları alır, yataq dəstlərini dəyişdirir, elektrik/elektron cihazların vəziyyətini yoxlayır, sanitar-epidemioloji tələblərə əsasən hamam otağını təmizləyir və eləcə də dezinfeksiya edir, otaqları havalandırır. Ondan eyni zamanda ictimai yerlərin, divarların, pəncərlərin və dəhlizlərin təmizlənməsi də tələb oluna bilər.
Qeydiyyatçı (oteldə)
Qeydiyyatçı (oteldə)
Oteldə qeydiyyatçı otel barədə ilk təəssürat yaradır. O, adətən otellərdə və mehmanxana tipli müəssisələrdə çalışır və ön büroya xidmət edir. Oteldə qeydiyyatçının əsas vəzifələrinə qonaqların salamlanması, onların otelə qəbul edilməsi və oteldən yola salınması, həmçinin rezervasiyaların qəbul edilməsi, otaqların ayrılması, qeydiyyatın aparılması, mesajların ötürülməsi və hesabların hazırlanması kimi geniş həcmli inzibati işlər daxildir. O, həmçinin kommutator funksiyasını yerinə yetirir, yerli ərazi barədə, dövlət qurumları və müvafiq müəssisələrlə bağlı məlumatlar verir.
Satış və marketinq mütəxəssisi (turizm müəssisəsi)
Satış və marketinq mütəxəssisi (turizm müəssisəsi)
Satış və marketinq mütəxəssisləri məhsul və xidmətlərin müştərilərin ehtiyaclarına uyğunlaşdırması sahəsində funksiyaları həyata keçirirlər. Əsas diqqət üzbəüz satış fəaliyyətinə yönəldilsə də, potensial bazarların müəyyən edilməsi və istehlakçıların istəklərinin öyrənilməsi istiqamətində fundamental araşdırmalara da yer ayırırlar.
Satış meneceri (turizm müəssisəsi)
Satış meneceri (turizm müəssisəsi)
Turistləri səyahət və qiymətlər barədə məlumatlar ilə təmin etmək, onlara məsləhətlər vermək. Səyahət paketlərini, otellərdə yerləri satmaq və sifariş vermək, tədbirlər və turlar təşkil etmək, viza və sığorta məsələlərini həll etmək.
Xizək sürmə üzrə təlimatçı
Xizək sürmə üzrə təlimatçı
Təlimatçı insanlara xizəkdə və ya snoubord lövhəsində (qar lövhəsi) əyləncəli, lakin təhlükəsiz şəkildə sürüşmək barədə peşəkar təlimatlar verir. Xidmətlər otellərdə və ya birbaşa olaraq istirahət məkanlarında müxtəlif səviyyələrdə və yaş qruplarında olan qruplara və ya fərdi şəkildə ayrı-ayrı şəxslərə göstərilir. Onlar yarışların və fəal tədbirlərin keçirilməsinə yardım edirlər.